تبلیغات
تورك آغیت گؤركسؤزو - علی اکبر (ع) افرادی
جمعه 4 دی 1388

علی اکبر (ع) افرادی

   نوشته شده توسط: حسین محمودی    نوع مطلب :متن نوحه تركی ،آغیت قوشارلاری ،

افراد

علی اکبر(ع) مرثیه‌سی

قوْشار: انور اردبیلی

 

علی سواره گئدیبسه‌ن، ولی پیاده گلیبسـه‌ن

اوْیان گؤرۆم ندی دردون، نییه عباده گلیبسه‌ن

 

عبانی ردّ ائله یۆزده‌ن اوْ شمع-ی-حُسنی آلێشدێر

یامان گۆنۆمدۆ بیلیرسن، بۇ بینوانی دانێشدێر

 

یاروْندا واردێ اذیّت و یاکی چوْخ یوْرۇلۇبسان

یقین بۇ قدّ-ی-رسایه دگیبدیر اوْخ یوْرۇلۇبسان

 

آیاق طرفده اوْتۇردۇم تصوّر ائتمه یادام من

بۇ قانلێ چکمه‌لریوی گره‌ک اؤزۆم چێخادام من

 

سینه‌مین اۆسته قوْیام من بۇ قانه باتمێش آیاغۇن

دانێشدێرام سنی بلکه اؤپه‌م اوْ قانلێ دوْداغۇن

 

اۇتانێرام علی اکبر! آتام عبانی یۆزۆنده‌ن

بۇ قاره معجریمله‌ن سالام اوْ قانێ گؤزۆنده‌ن

 

 

گره‌ک آیاق طرفونده اوْلا بۇ قلب-ی-شیکسته

بی‌بی‌لرون باخێر آخَر نئجه گلیم باشۇن اۆسته

 

کنیزدور بۇ مکاندان آنوْن نه عُذریله دۇرسۇن

کنیزلر گره‌ک اوْغلۇم آیاق طرفده اوْتۇرسۇن

 

تعجبم بۇ غمون قلبیمه شراره تؤکۆبدۆر

آتوْن بۇ قدّ-ی-رسانی نییه عبایه بۆکۆدۆر؟

 

بۇ نقشه‌نی بیلیره‌م من، گلیبدی درده چکیبدیر

یارالێ سینوْون اۆسته عبانی پرده چکیبدیر

 

منی نظرده دۇتۇبدۇر و یا سکینه‌‌ی-ی-زاری

بۇ فکریله‌ن کی مبادا گؤزۆم گؤره یارالارێ

 

باخێب عباسینه بیلدیم ولی نه قدری یاروْن وار

مگر سنین بدنونده سلامت عضو هاروْن وار

 

بۇ نوعیله‌ن کی آخان قان، ائده‌ر بۇ توْپراغێ گۆلنار

بئیله مشخّص اوْلۇر کی منیم ائویمی یێخێبلار

 

بلا تموج ائدیب گؤر گلیب هایانا چاتێبدێر

یقین سنی گتیره‌نده، آتوْندا قانه باتێدێر

 

یارالانێبسان ائشیتدیم غم-وْ-ملالیله گلدیم

اؤزۆمده بیلمیره‌م من، بۇرا نه حالیله گلدیم

 

قانادێ باغلێ اوْلان، قۇش کیمی بۇ یئرده سێخێلدێم

یوْل اۆسته بیر نئچه دفعه بۇرا گلینجه یێخێلدێم

 

قارا ساچێم کیمی دونیا اوْلۇبدۇ تیره گؤزۆمده

بی‌بی‌لرون منی گتدی یوْخۇدۇ طاقت اؤزۆمده

 

تعجب ائیلیره‌م ای نژاد-ی-هاشمه فاخر

گلیب بۇرا نئجه چاتدێم نییه من اؤلمه‌دیم آخر

 

یانێر اۆره‌ک علی دۇر گؤر بۇ دربه‌در نییه آغلار

جاوان اوْغۇللار آنانێ مگر بۇ نحویله یوْخلار

 

یۇخۇدۇ من گؤرۆره‌م یا کی آشکاریدیر اکبر

عبا ایچینده کی سن‌سن بۇ حالیله‌ن گتدیله‌ر

 

سنی نه حالیله سالدێم یوْلا مینایه گئده‌نده

عبا ایچنده گلیبسه‌ن ولی خیامه گله‌نده

 

قێزارمێسان گـۆلـه یاقـوتا اوْخشۇسـان نئجـه گـؤرسن

باخان دییه‌ر توْی ائدیبسه‌ن لیباس-ی-توْی گئیینیبسه‌ن

 

قۇتارمێیان غم-وْ-دردیم سؤزۆم بۇقلبیده واردێ

جنازه‌وه یئتیشینجه‌ک اینان کی زۆلفۆم آغاردێ

 

قاباغۇوا منی عفو ائت گله‌نده گلمه‌دیم اکبر

حرمسراده اوْتۇردۇم اۆزۆمۆ بیلمه‌دیم اکبر

 

فدا اوْ گؤزلره لیلا، اوْیان اوْیان نه یاتێبسان

من-ی-فلک زده‌نی اوْلما خاطرونده‌ن آتێبسان

 

گؤزۆم عُذاریمه قان‌یاش تؤکه مجاز ائیلئیورسن

سسیم قۇلاقیوه یئتمیر و یاکی ناز ائیلئیورسن

 

اِراده هر یانا ائتسوْن گلیب دالۇنجا سۆرۆننه‌م

توْیۇن گؤره‌نمه‌دیم امما لیباس-ی-قاره بۆرۆننه‌م

 

یوْخۇمدۇ چاره بۇ یئرده پناه صبره آپاررام

کئچیبدی نیسگیلون حدّه‌ن،اۆره‌گده قبره آپاررام

 

یازاندا مُحنتون «انور» گله‌ر تموجه دردی

بیلیر علی باشۇن اۆسته آنوْن نه نوعی مله‌ردی


برچسب ها: حضرت علی اکبر(ع) ، متن نوحه ترکی ، لیلا ، شعر افراد ، شعر ترکی عاشورائی ، انور اردبیلی ،

How do you get a growth spurt?
دوشنبه 16 مرداد 1396 03:54 ق.ظ
Piece of writing writing is also a fun, if you
be acquainted with after that you can write if not it is difficult
to write.
http://fasthairstyle8694.exteen.com/
چهارشنبه 14 تیر 1396 07:12 ق.ظ
Every weekend i used to go to see this website, because i wish
for enjoyment, since this this web site conations actually nice funny data too.
Amelie
دوشنبه 25 اردیبهشت 1396 01:31 ب.ظ
Good info. Lucky me I ran across your website by accident (stumbleupon).
I have saved it for later!
 
لبخندناراحتچشمک
نیشخندبغلسوال
قلبخجالتزبان
ماچتعجبعصبانی
عینکشیطانگریه
خندهقهقههخداحافظ
سبزقهرهورا
دستگلتفکر